close
自從小妹開始補習生涯
賺回來的都僅僅達到收支平衡而已 (很多都是義教)
今個月很感恩地多收了點學生
賺了一千元
於是決定獎勵一下自己!!!!!!!
一直都想買一個袋係可以勁易襯，方便返學用
要載到ipad，要載到筆記既
出街又得，返學又得
一直都搵唔到啊，一係個款得，條帶太短；一係個款唔得，條帶得；款得帶得價錢唔得/____\
因為我既目標係$500以下，窮啊~~~~~~~~~
我今日同朋友行又一城
係Accessorize買左條易襯頸鏈，打算長戴
好襯我
行完Accessorize 之後就諗住去補習架啦
但朋友拉住我行去佢好鍾意既品牌裡面
就係「The Emporium」
呢個我第一次去，我平時行過覺得好貴就冇入去
今日睇下D袋好靚好森林風，完全係我鍾意既風格
然後好漫不經心拎起個袋上膊試
幾舒服喎，朋友一轉身睇就即刻雙眼發亮：「好襯你啊！！！！！！！」
我照一照鏡，哇！完全係fit晒我囉
但係價錢係$538，out budget喎........
因為夠鐘補習，我就放低佢啦
出門口發現用銀聯卡有九折!!!!禁一禁機，竟然係$484!!!!!! $500有找啊！
心郁啦！
去補習，其中一個係我一個好好好好好好好好朋友，由中一就係同學
因為會考個陣轉制佢轉中四、我轉中五，所以呢加由我幫佢補中文
補完習之後我就拉住佢去睇個袋
一拎起，佢就已經話好靚
我上膊啦，佢就話好襯我
以前我買野都係會經佢眼，經佢話好靚既都會周圍被人讚
所以我呢加買野都係要拉埋佢
另一個學生跟埋我地去，睇到都話好襯
加上有折
咁......咁.........我被打敗了！！！！！！！！
帶左佢返屋企啦~~~~~~~
話就話全港得返最後一個，我信過幾星期又會見到佢架啦sosad
看圖
上面附送絲巾一條，靚到喊，有點綴
間隔不多，正合我意
我咩上去真係乜衫都襯啊~~~~~
靚到爆！開心死！
但係下個月要比心機溫書唔補習
五月重出江湖搵錢啦~~~~~~~
全站熱搜
留言列表
